|
Saturday, January 14, 2006
Barrita: Ayaw intawon pagpakauwaw
By Eddie O. Barrita
Gihugopan ang dakbayan sa Sugbo sa mga turistang langyaw ug mga balikbayan tungod sa Pista Senyor ug sa Sinulog. Dunay mga debotos sa atong milagrusong patron, Senyor Sto. Niño de Cebu ug dunay mianhi aron pagsaksi sa mabulukong Sinulog grand parade and mardi gras.
Puno ang tanang mga hotel, resort ug mga pension house sa dakbayan sa Sugbo. Naghuot sab ang Basilica Minore del Sto. Nino.
***
Panahon ni nga ipakita sa mga Sugbuanon ang atong labing maayong mga taras ug ang atong pagkamaabiabihon.
Di kay mag-rumble na hinuon atubangan sa mga turista diha sa taliwa sa Fuente Osmeña.
Tiaw mog mao na hinuon nay estoryahan inig pauli nas mga balikbayan sama nila ni Dr. Willo ug Jennifer Lim sa Los Angeles, California ug nila ni Dr. Vic ug Baby Oyas sa Arizona.
***
Ang Pista Senyor alang sa tanan, kabos ug adunahan.
Busa dalaygon ang panagtambayayong sa kagamhanan sa dakbayan sa Sugbo ug sa mga pribadong kompaniya sa pagtukod sa Devotees City diha sa Fort San Pedro.
Sud sa napu ka tuig, nahimo kining kasamtangang kapuy-an niadtong mga debotos nga way kapasilungan dinhi sa dakbayan.
Pit Senyor!
***
Gustong papahawaon ni Cebu City Mayor Tomas Osmeña ang mga manindahay sa aseras duol sa JY Square sa Lahug, dakbayan sa Sugbo.
Pero matod pa sa halangdong mayor, way kalambigitan ang iyang plano sa pagkaigo niyas payong sa iyang pagbisita sa maong dapit.
Naigo diay sa payong?
--Sun.Star Superbalita [Cebu]
For Bisaya stories from Cebu. Click here. (January 14, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
