|
Saturday, January 28, 2006
Barrita: Sugbuak
By Eddie O. Barrita
Giangkon ni kanhi senador John “Sonny” Osmeña nga pakyas ang Sugbuak, ang plano sa tulo ka mga kongresista nga buak-buakon ang Sugbo nga una niyang gisugyot niadtong 1992.
“It failed because of the naivete of one of them,” matod pa ni Sonny sa interview isip usa sa “23 of Cebu’s Most Influential People” sa Sun.Star Cebu.
Sa ato pa, usa lang gihapon ka gobernador ang pilion sa Sugbo sa piniliay sa 2007. kana kon madayon.
***
Di mokompyansa si Cebu Gov. Gwendolyn Garcia bisan pa sa maong pamahayag sa kanhi senador.
Matod pa ni Garcia, “Greed, like evil, never really disappears but bides time to rear its ugly head when it thinks its time to bite once again.”
***
Gusto unta ni Rep. Simeon Kintanar nga himuong Cebu del Sur and ikaduhang distrito. Si Rep. Antonio Yapha maghimo sab og Cebu Occidental sa ikatulong distrito samtang si Rep. Clavel Asas-Martinez maghimog Cebu del Norte sa ikaupat nga distrito.
Apan naluoy kanila si Garcia kay usa kanila maoy gibasol ni Osmeña sa kapakyasan sa Sugbuak.
“Kaluoy sad, sila pay gi-blame, mga bata-bata ra god,” matod pas gobernador.
***
Gilalisan pa hangtod karon kon ipadayon o kanselahon ba ang eleksyon sa tuig 2007. Apan karon nga nituyhakaw pagbalik sa publiko si Osmeña, ingon sa madayon gyud ang piniliay.
Unang gisaway sa kanhi senador ang pakigtagbo ni Garcia sa mga barangay kapitan ug sa pagbisita niya sa kalungsoran nga “pangilad” ug “paigat-igat.” “Yawyaw-yawyaw, yawyaw-yawyaw, unya paigat-igat, unya larga,” matod pang Osmeña.
Di sab palupig si Garcia. Matod niya,“I had not realized nga ang akong paigat-igat, dunay nasakit nga laing igat. It takes one (igat) to know one.”
--Sun.Star Superbalita [Cebu]
For Bisaya stories from Cebu. Click here. (January 28, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
