|
Saturday, February 25, 2006
Barrita: Sign of life
By Eddie O. Barrita
Naminghoy ang international rescue team kay hangtod karon wa pa silay nakaplagang survivor sa landslide didto sa Guinsaugon, St. Bernard, Southern Leyte.
Apan gipadayon nila ang search and rescue operations sa dihang ilang nakuykoyan ang usa ka buhing manok ilawom sa lapok. Wa isulti kon sunoy o himungaan ba ang maong manok.
Ang klaro, duna pay usa kabuok sign of life.
***
Gipakita sa trahedya sa Southern Leyte ang panginahanglan sa mga modernong kahimanan alang sa Armed Forces of the Philippines nga sagad maoy atong saligan sa panahon sa mga emergency.
Ang mga modernong helicopters, ayroplano ug barko di lamang alang sa gubat apan magamit sab sa evacuation, search, rescue and relief operations.
Tan-awa, kuwang ganig pala ang kasundalohan nga ilang gamiton sa pagkubkob sa nangalubong sa landslide didto sa Guinsaugon.
***
Pagasaulugon karong Pebrero 25 ang ika-20 ka tuig nga kasaulogan sa Edsa People Power revolution nga maoy nakapalagpot kang kanhi diktador Ferdinand Marcos.
Ang People Power nahimong inspirasyon sa ubang kanasuran sa paglumpag sa ilang mga diktador.
Apan unsay nahitabo atol sa People Power human sa 20 ka mga tuig? People powerless.
***
Giila ang Edsa People Power revolution sa tibuok kalibutan nga usa ka peaceful revolt. Dunay niingon nga mora lang kadtog usa ka picnic. Nanaog ang diktador bisan way usa na lang ka buto sa pusil.
Apan di mahimong kada adlaw na lang tang mag-people power.
Gihimo ang people power aron mahibalik ang demokrasya. Busa human sa people power, kinahanglan nga maoy saligan sa katawhan ang atong democratic system ug di ang pagsingitsinggit sa kadalanan.
(Sun.Star Superbalita [Cebu]
For Bisaya stories from Cebu. Click here. (February 25, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
