|
Wednesday, March 01, 2006
Barrita: Fire extinguisher
By Eddie O. Barrita
Laing hulga sa kudeta nakapaukay sa nasod ug nakaaghat ni Presidente Arroyo sa pagdeklarar sa usa ka state of emergency.
Nitibugsok ang piso batok sa dolyar. Apektado sab ang Philippine stock market. Matag umento sa ekonomiya, kalit lang nga moulbo ang kaguliyang.
Unsa man ning atong kahimtang, usa ka roller coaster ride?
***
I am declaring a state of emergency because of the clear threat to the nation, pamahayag pa ni Presidente Arroyo human madiskubrihi ang laing pagsuway sa usa ka kudeta.
Gidasunan kini ni Secretary Cerge Remonde sa Government Mass Media. Matod pa niya, kadtong gustong moilog sa gahum dugay nang nagduwa sa kayo busa nigamit ang kagamhanan og fire extinguisher.
Maong gipasiritan og tubig sa bombero kadtong nagmartsa atol sa ika-20 nga anibersaryo sa Edsa revolt.
***
Ikaduhang higayon na kini nga gideklarar ang usa ka state of emergency.
Ang una mao kadtong Edsa 3 diin libuan ka mga tawo nisulong sa Malacañang.
Nipadayag sa kabalaka ang mga editors-in-chief sa lima ka mga mantalaan sa dakbayan sa Sugbo human rondaha sa kapulisan ang opposition newspaper nga Daily Tribune sa kaulohan.
Nipasidaan sila nga di makaimpo-ner ang kagamhanan og prior restraint, di makabuot unsay ipatik ug di.
Kay mahisama unya sa panahon sa martial law nga si Sir Nito Jabat nagsuwat na lang og lindog unsaon pagtanom og kamote.
***
Sa 2005, ang Provincial Board nipasar sa 3,322 ka resolusyon, 18 ka appropriation ordinance ug 715 ka mga committee report.
Si PB Member Victor Maam-bong ang dunay labing daghan nga resolusyon ug ordinansa nga naaprobahan. Gisundan kini ni PB Member Agnes Magpale. Kinsa ang nag-una sa palta?
--Sun.Star Superbalita [Cebu]
For Bisaya stories from Cebu. Click here. (March 1, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
