|
Saturday, April 22, 2006
Barrita: Cartographic sketch
By Eddie O. Barrita
Mokabat sa 3,226 ka mga child laborer nakatunghag balik tungod sa open enrollment program ni Director Carolino Mordeno sa Department of Education (DepEd) 7.
Gidawat sila sa mga eskuwelahan bisan pag taliwa na sa school year.
Lakip nila kadtong kabataan nga nagtrabaho sa mga katubhan sa lungsod sa Bogo ug Medellin, sa deep sea fishing sama muro-ami ug paaling sa habagatang Sugbo ug mga child sex worker sa Lorega, Carreta, Ermita, Pasil ug Suba sa dakbayan sa Sugbo.
Mao ni tinuod nga education for all. Di ba, Director Mordeno?
***
Samtang mokabat sa 37,000 ka mga magtutudlo sa tibuok nasod pakuhaon og remedial classes sa English, Science ug Math didto sa National Educators Academy of the Philippines sa Baguio City.
Di na unya magkayamukat ang Iningles ni Sir ug ni Ma’am, makahinumdom na silag pilay speed of light ug di na mogamit og calculator kon mag-mutiply sa one times one.
Mao ni education for Sir and Ma’am.
***
Kinsa man gyud ang triggerman sa pagpatay ni Bantay Dagat Commission project director ug market administrator Elpidio “Jojo” de la Victoria?
Nasikop si SPO1 Marcial B. Ocampo sa Criminal Investigation and Detection Group (CIDG) 7 subay sa police cartographic sketch sa nagpusil kang Jojo de la Victoria. Human sa iyang pagkasikop, positibo siyang giila sa mga testigo.
Apan matod ni Atty. Hector Fernandez, abogado ni Ocampo, ang police cartographic sketch mas anggid-anggid ni SPO1 Jojo Montesclaros, evidence custodian sa CIDG.
Hain man diay atong tuohan, ang police cartographic sketch o ang mga testigo nga nakakita sa nagpusil?
—Sun.Star Superbalita [Cebu]
For Bisaya stories from Cebu. Click here. (April 22, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
