|
Wednesday, May 24, 2006
Barrita: Open bikini
By Eddie O. Barrita
Ipasusi ni Cebu City Councilor Arsenio Pacana ang pagkuyanap sa mga bikini open sa kabarangayan dinhi sa dakbayan.
Sagad nga gihimo ang mga bikini open sa mga private beach resort apan nikuyanap na sa kabarangayan. Nabalaka si Councilor Pacana nga makita kini sa mga menor de edad.
Bikini open pa ni karon. Sa sunod, di kaha ni mahimong open bikini?
***
Dunay balaudnon ang Sugbuanong Senador Sergio “Serge” Osmeña nga magsilot sa mga babymaker o surrogate mothers ingon man kadtong mamaligyag bata.
Mao kining mga babaye nga magpabayad aron maoy manamkon ug magsabak sa bata alang sa mga magtiayon nga di makabaton og anak.
Tiaw mo na, hastang pagpamabdos ginegusyo na. Ang mga bata naingon na lang sa nate sa baka nga ibaligya kon malutas na.
***
Namahayag si National Security Adviser Norberto Gonzales nga ang Sugbo, host sa Asean Summit karong Disyembre, nahimo nang usa ka terrorist target.
The sad reality is that Cebu has now become a terrorist target because it is booming, matod ni Gonzales.
Kinahanglan ba nang ianunsyo?
Nakahibawo ba kaha ni siya sa giingon ni Asean Summit National Organizing Committee Chairman Mariano Paynor nga, If there’s nothing positive we can say, it is our patriotic duty to keep quiet?
***
Nituyhakaw na sab ang isyu sa Sugbuak. Ingon si kanhi senador John “Sonny” Osmeña, napakyas na ni?
Wa pa gyud diay mo-surrender kadtong gustong maghimog Cebu del Norte, Cebu del Sur ug Cebu Occidental?
Wa kaha ni sila kakuhag inspirasyon gikan nila ni Leo Oracion, Erwin Emata ug Romeo Garduce, ang tulo ka mga Pinoy nga nilampos sa pagkatkat sa kinatumyan sa Mt. Everest?
--Sun.Star Superbalita [Cebu]
For Bisaya stories from Cebu. Click here. (May 24, 2006 issue)
Write letter to the editor.Click here.
Join the Sun.Star message board.Click here.
|
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
