|
Wednesday, June 14, 2006
Barrita: Death penalty
By Eddie O. Barrita
Gi-abolish na sa Kongreso ang death penalty.
Apan padayon gihapon ang pagpamatay sa mga vigilante. Niabot nag 164 ka mga kombiktado ug mga gikatahapang kriminal ang napatay sukad niadtong Disyembre 22, 2004.
Sama ra nga wa ma-abolish ang death penalty.
***
Di motuo si Cebu City Vice Mayor Michael “Mike” Rama nga mosiaw ang vigilante killings tungod sa pag-abolish sa death penalty kay sigi na nang vigilante killings bisan diha pa ang death penalty.
Nagtuo hinuon si Mike Rama nga lagmit international embarrassment maoy makasulbad sa vigilante killings.
If we have to be embarrassed to solve the extrajudicial murders, then let the embarrassment come, matod ni Mike Rama.
***
Gihimakak ni Inspector Mario Monilar, hepe sa Cebu City Police Office homicide section, nga gipasagdan lang sa kapulisan ang mga vigilante.
Matod niya, dunay 164 ka case folders sa ilang opisina nga kompleto sa mga ebidensya nga nakuha gikan sa crime scene sa mga biktima sa vigilantes.
Apan di ika-file ang kaso kay way mga testigo.
Kinsa man say isog nga motestigo? Mag-ayog maoy isunod?
***
Ang Magellan’s Cross wa lang damhang nahimong dugtong sa Sugbo ug sa nasod sa Portugal, ang nasod ni Ferdinand Magellan.
Gipakita kini sa pagtabang sa kagamhanan sa Portugal pinaagi ni Portuguese Ambassador to the Philippines Joao Caetano da Silva sa pagpaayo sa Magellan’s Cross.
Tinuod nga atong gipatay ang atong unang turista. Pero bentaha ta sa usa ka gamayng nasod sa Pacifico nga gipuy-an kaniadtog mga cannibal.
Kay ilang gikaon ang unang misyonero nga nidunggo sa ilang isla.
--Sun.Star Superbalita [Cebu]
For Bisaya stories from Cebu. Click here. (June 14, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
