|
Wednesday, June 21, 2006
Barrita: Heckling
By Eddie O. Barrita
Nakatilaw si National Security Adviser Norberto Gonzales sa iyang labing unang heckling gikan sa mga aktibista atol sa usa ka forum niadtong Sabado sa University of Cebu.
Si Presidente Arroyo kadaghan na makatilaw og heckling samtang nagdiskurso sa mga eskuwelahan.
Kon mao ni, matod pang Secretary Gonzales, ipaapil na lang sa program ang heckling.
***
Gipaluyohan ni kanhi presidente Fidel V. Ramos ang Charter change (Cha-cha) pinaagi sa people’s initiative.
Timailhan ba ni nga di matarog ang baruganan sa Senado batok sa pag-usab sa Batakang-Balaod gikan sa usa ka presidential system ngadto sa usa ka parliamentary system?
Nanalipod sab ang mga senador sa ilang teritoryo kay kon madayon ang Cha-cha, ma-abolish man ang Senado.
***
Namahayag si House Speaker Jose de Venecia nga panahon na nga ma-abolish ang Senado kay unproductive na kini.
Sumala pa niya, ang House of Representatives nipasar og kapin sa 200 ka balaudnon sukad sa 2004 apan duha ray giaprobahan sa Senado.
Ug ang Senado nga dunay 23 lang ka senador, may tinuig nga budget nga P1.8 bilyunes. Samtang ang House nga dunay 236 ka mga kongresista, P2.8 bilyunes ang tinuig nga budget.
Kon atong tugotan kining maong katarungan, mas dakog savings kon ma-abolish ang entirong Kongreso.
***
Gihatagan ni Presidente Arroyo og extra budget nga P1 bilyunes ang Armed Forces of the Philippines (AFP) aron sa hingpit nga pagpuhag sa New People’s Army sud sa duha ka tuig.
Dugang ni sa P5 billion nga budget alang sa modernization sa AFP nga dunay air force pero way helicopter ug eroplano, dunay navy apan way barko.
Ang labing mahinungdanon mao ang laing P76 bilyunes nga gigahin alang sa paghaw-as sa katawhan gikan sa kakabus.
--Sun.Star Superbalita [Cebu]
For Bisaya stories from Cebu. Click here. (June 21, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
