|
Saturday, June 24, 2006
Barrita: Patay gihapon
By Eddie O. Barrita
Lima ka mga binilanggo sa Bagong Buhay Rehabilitation Center (BBRC) sa barangay Lahug, dakbayan sa Sugbo nakuryentihan samtang natug nga nagligid sa sawog. Nasalbar kadtong didto matug sa duyan.
Mao ni kapalaran sa mga binilanggo sa BBRC.
Kon di mamatay sa sud, inig gawas tumbahon sa mga vigilantes.
***
Gitukod ang BBRC alang sa 250 lang ka mga binilanggo. Apan karon, nagsinardinas ang 2,584 kanila.
Way katre, way banyo, way igong kahigdaan ang mga binilanggo. Mao nang magpuli-puli na lang silag katug.
Di ba ni kalapasan sa ilang tawhanong katungod?
Matod pa sa Bill of Rights (Article III, Section 19 (2)), The use of substandard or inadequate penal facilities under subhuman conditions shall be dealt with by law.
***
Giangkon ni Supt. Cesar Balderas, deputy director for operations and administration sa Bureau of Jail Management and Penology (BJMP) 7 nga ang BBRC mao ang labing problematic nga bilangguan sa tibuok nasod.
Bugtong sulbad, matod niya, mao ang pagbalhin sa mga binilanggo ngadto sa bag-ong city jail sa Barangay Kalunasan, di ang pagrelibo sa warden, Supt. Efren Nemeno.
Kana kon makombinser sa taga BJMP si Cebu City Mayor Tomas Osmeña.
***
Giaprobahan sa League of Provinces ang laraw ni Presidente Gloria Macapagal-Arroyo nga bahinon ang Pilipinas ngadto sa upat ka mga mega-region.
Ilang giaprobahan ni bisag way hisgut-hisgot bahin niini, bisag wa pa sila kahibawo unsay dagway niini.
Igo na, matod ni Bohol Gov. Erico Aumentado, nga alang kini sa ekonomikanhong kaugmaran ug pagwagtang sa panagtigi sa mga probinsya.
Labaw pa ni sa approved without thinking.
--Sun.Star Superbalita [Cebu]
For Bisaya stories from Cebu. Click here. (June 24, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
