|
Saturday, July 29, 2006
Barrita: Jerjer
By Eddie O. Barrita
Gikihag libelo si dyHP anchorman Joash Dignos tungod sa iyang pagpamukaw nga, “Opisyal nga ni jerjer sa umagad, mata na!”
Kahibawo nas Dignos karon nga mas maayong ang asawa ang mamukaw og jerjer.
***
Kinsa bay nagpasiugda ining jerjer?
Gawas sa pakighilawas, bastos paminawon ang ubang Binisaya sa sexual intercourse. Maong giilisan na lang nig jerjer.
Ang habal, pakighilawas sa mga mananap, gihimong habal-habal, motorsiklong depasaheruan.
***
Gibasihan ni Mandaue Sports Commission chairperson Cheryl Ouano sa iyang kihang libelo batok kang Dignos mao ang tape recording sa iyang komentaryo.
A broadcast commentary is no longer written in the wind.
***
Matod ni Cebu Gov. Gwendolyn Garcia, nitanyag diay sa iyang irrevocable resignation si Mactan Cebu International Airport Authority general manager Adelberto Yap.
Apan gisuspenso na siya sa board maong wa na matagad ang iyang resignation.
Kon wa pa suspensoha, ni resign na unta si Yap.
Karon hinuon, di na gustong mamuhi si Yap sa iyang puwesto.
***
Naglaraw ang Kapitolyo nga mo-take over sa primary and secondary services sa Vicente Sotto Medical Center (VSMMC).
Di kaha maayong unahon ang upgrading sa mga district hospital aron kadtong tua sa kalungsoran di na kinahanglang moanhi pa sa dakbayan sa Sugbo aron magpatambal?
***
Mokabat sa 500 ka mga pulis delikadong mataktak sa ilang trabaho kay wa kapasar sa ilang semi-annual physical fitness test base sa body mass index.
Kinahanglan silang magpadaot.
Unyag modaot, di na kurakot?
--Sun.Star Superbalita [Cebu]
For Bisaya stories from Cebu. Click here. (July 29, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
