|
Saturday, August 05, 2006
Barrita: Napaso na
By Eddie O. Barrita
Wa tagda ni Cebu Gov. Gwendolyn Garcia ang tanyag ni Cebu City Mayor Tomas Osmeña nga itugyan sa probinsya ang pagdumala sa Cebu City Medical Center (CCMC).
Ang iring nga niagig kapaso, di na mobalik og lingkod sa hudnohan bisag bugnaw na kini.
Hinungaw sa nadiskaril nga land swapping deal.
***
Giila si Mayor Osmeña sa iyang pagkamaayong laki nga manager sa lokal nga kagamhanan.
Apan gipul-an na siya sa CCMC. Nisurrender ang maayong laki.
Bitaw, di sab lalim kon mag-atubang kag utang nga P6.3 bilyunes sa South Road Properties.
***
Nanuyo si Governor Garcia sa pagbutyag ni kanhi Mactan-Cebu International Airport Authority (MCIAA) general manager Adelberto Yap sa iyang libreng sakay-sakay sa helicopter nga gipanag-iya sa MCIAA.
Nanuyo nga wa papletiha.
***
Unsay gikawilihan ni Yap diha sa MCIAA?
Matod ni Garcia, ang MCIAA general manager dunay discretionary fund nga P100,000 kada board meeting nga sagad kaduha sa usa ka buwan.
Apil hinuon ini ang gasolina sa helicopter.
Abi nakog nabalaka si Yap nga di na manglupad ang mga eroplano kon di na siyay Mactan airport manager.
***
Nahingangha si Yap sa iyang supersonic exit nga gimando sa puppet board nga kaniadto nilaban kaniya.
Mao ni gitawag nga supersonic due process. Pero nganong gitaktak dayon?
Bisan gihimo na lang siyang general manager sa mga airport sa Bantayan Island ug sa Camotes.
***
Gipasangil ang pagkaugdaw sa 500 ka kabalayan atol sa sunog nga niigo sa barangay Mambaling, dakbayan sa Sugbo sa mga drug addict nga nagsuyop og shabu.
Hala, suyop pa.
--Sun.Star Superbalita [Cebu]
For Bisaya stories from Cebu. Click here. (August 5, 2006 issue)
Write letter to the editor.Click here.
Join the Sun.Star message board.Click here. |
|
[return to top]
[home]
[network page]
|
LOCAL NEWS
BUSINESS
OPINION
SPORTS
LIFESTYLE
FEATURE
SUPERBALITA
WEEKEND
|
