Saturday, November 11, 2006 Barrita: Peace of the grove By Eddie O. Barrita Tikdul-tikdol
Gikatahong niuyon si Cebu City Mayor Tomas Osmeña sa laraw sa konseho nga motanyag og bounty alang niadtong makasigmit og vigilante.
Pero, kinahanglang klaruhon sa konseho asa kuhaa ang reward money.
Duna sab kahay isug nga manakop og vigilante?
***
Wa malipay si Cebu City Vice Mayor Michael “Mike” Rama sa performance sa kapulisan bisan pag nikunhod ang krimen og 22 porsiyento kay wa pa madakpi ang mga vigilante.
Apan kontento si Mayor Osmeña sa performance sa kapulisan.
Kay wa pa madakpi ang mga vigilante?
***
Kon maminaw kas report ni Acting Cebu City Police Chief Melvin Gayotin, makaingon kang malinawon ang dakbayan sa Sugbo.
Apan nangutana si Vice Mayor Rama nganong malinawon ang dakbayan nga wa pa man masulbad ang kaso sa 176 ka mga tawong gipangtumba sa mga vigilante.
Mao nay gitawag og peace of the grave.
***
Gibalik na ni Mayor Osmeña ang 20 ka mga brand new Toyota Innova nga patrol cars sa kapulisan.
Alang ni sa police visibility, di service sa mga pulis padung sa motel.
***
Nagtuo si Criminal Investigation and Intelligence Bureau Chief Pablo Labra II nga dakog epekto ang vigilante-style killings sa pagkunhod sa krimen.
Apan wa siya mo-encourage niini kay giila niyang krimen ang pagtumba sa mga vigilante sa mga kriminal.
“I am convinced the killings have deterred crimes but I will not encourage (them) because (they are also crimes) in (themselves),” pahayag pa ni Labra atubangan sa konseho sa dakbayan.
