Saturday, February 24, 2007
Barrita: Pista sa IBP
By Eddie O. Barrita
Tikdul-tikdol
MAG-PARADE ang mga lechon karong Sabado atol sa piniliay sa mga opisyal sa Integrated Bar of the Philippines (IBP) Cebu City ug Cebu chapters.
Sumala pa ni IBP Cebu City chapter president Alex Tolen-tino, ang piniliay himuong pista sa mga abogado nga tagsa rang magkatigom ug magkahugoyhugoy.
Matod pa bitaw ni Shakes-peare, “Adversaries in law strive mightily but eat and drink as friends.”
***
Wa ko kabalibad sa hangyo ni manlalaban Fritz Quinanola nga iapil kos mga kandidato pagkadirektor sa IBP Cebu City chapter.
Nagsinug-ang ang mga kan-didato sa pagkapangulo sa Cebu City chapter---sila si Fritz Quinanola, Gloria Dalawampu ug Briccio Boholst.
Way nakig-atbang kang Noel Adlawan sa IBP Cebu chapter.
Morag si Cebu Gov. Gwen Garcia ug Cebu City Mayor Tomas Osmeña nga ingon sa way makigsakbang.
***
Kay way klarong kaatbang sila si Gov. Gwen ug si Mayor Tommy sa umaabot nga piniliay, sila na lang duha maoy nag-engkwentro.
Kay way kontra, mag-unay na lag pinahitay.
Apan di kaha lumotan ang Ciudad project sa Kapitolyo niini?
***
Sa katapusan, duna na gyuy investor ang South Road Properties (SRP).
Ang Bigfoot Global Solutions moabang og duha ka ektaryang luna sa SRP ug gikatahong mopalit og laing 16 ka ektarya sa kantidad nga P1.92 bilyunes.
Di gihapon paigong ibayad sa mga luna sa probinsya nga balor og P3.2 bilyunes.
--Sun.Star Superbalita [Cebu]
For Bisaya stories from Cebu. Click here. (February 24, 2007 issue)
Write letter to the editor.Click here.
Join the Sun.Star message board.Click here. |
