Di sab tungod sa pagkahanaw sa mga vigilantes kay siyay inspirasyon niini.
Naglabad ang iyang ulo og pinangitag kontra sa umaabot eleksyon.
***
Si kanhi Rep. Jose “Dodong” Gullas di modagan batok kang Osmeña.
Di tungod kay nahadlok siyang Osmeña.
Nakaalagad na siya sa mga Sugbuanon ug gipalabi lang niya ang iyang pamilya ug ang pagdumala sa University of the Visayas.
Si kanhi Cebu City Mayor Alvin Garcia nag-ukon-ukon sab sa pagdagan.
Di tungod kay nahadlok siyang Osmena.
Di pa lang compute¬rized ang eleksyon.
***
Niangkon si Mayor Osmeña nga si Dodong Gullas mao unta ang labing lig-ong ikasakbang niya kon nidagan pa siya.
Apan duna siyay maayong solusyon aron duna gyuy makisakbang kaniya.
Matod pang Mayor Osmeña: “I’ll pretend I am afraid. Nindot na kay naay representation ang marginalized minority.”
*** Naglabad sab ang ulo ni Jonkie Ouano.
Di tungod kay haligi pay nigimaw sa modernong merkado publiko sa Mandaue City bisag nigasto nag P100 milyunes kay proyekto man na sa iyang amahan.
Di sab tungod kay nahadlok siyang makigsakbang nila ni Vice Mayor Amadeo Seno Jr., Councilor Jonas Cortes ug kanhi city councilor Magno Dionson sa pagkamayor sa Mandaue.
Naglabad iyang ulo kay ang iyang iyaan, si Joy Ouano, hayan nga modagan sab pagkamayor sa Mandaue.
***
Unsay nahitabo sa mga security cameras nga gigamit sa kapulisan atol sa malampusong 12th Asean Summit?
Sa pagsiaw sa panulis sa dakbayan sa Sugbo, gigamit unta kini sa kapulisan sa pagmonitor niadtong mga lugar diin sagad moigo ang mga tulisan.
Karon, mahimo sab kining magamit pagmonitor niadtong pasagad lag papilit sa mga campaign propaganda materials.
