Saturday, August 04, 2007 Barrita: Heneral Byron By Eddie O. Barrita Small Bites
NISULBONG ang pagkapupolar sa 1,500 ka mga binilanggo sa Cebu Provincial Detention and Rehabilitation Center (CPDRC) tungod sa ilang mga sayaw nga makita sa tibuok kalibotan pinaagi sa Internet.
Gipakita sa mga binilanggo ang ilang disiplina nga bisan sa ilang kadaghan, nakahimo sila sa pagsayaw sa algorithm dance, "Thriller" ni Michael Jackson, Sister Act ug uban pa.
Si Capitol security consultant Byron Garcia nga maoy nagpasiugda ning tanan ug nakadisiplina bisan sa mga konbiktado ug gikatahapang kriminal, angayan nga himuong heneral.
***
Kapin na sa tulo ka milyon ka mga tawo ang nitan-aw sa ilang sayaw sa Internet ug gisalida sab ni sa dagkong nga TV networks sama sa CNN.
Starring hasta si Calvin Tan, ang gikatahapang utok sa labing dakong shabu laboratory sa Asia.
Pero dunay bilyakong nangutana kon makasayaw ba ni sila sa gawas sa CPDRC?
***
Girekomendar nila ni Cebu Regional Trial Court Executive Judge Fortunato de Gracia Jr. ug ni Cebu City Prosecutor Nicolas Sellon nga sundon ang CPDRC sa ubang mga bilanggoan sama sa Bagong Buhay Rehabilitation Center (BBRC).
"It uplifts the spirits of the prisoners," matod pa ni Judge de Gracia.
Unsaon pagsayaw anang mga binilanggo sa BBRC nga daghan mang gitakboyan og TB?
***
Si Rose Baldado, taga Bindoy, Negros Oriental, nahimong pulis bisag kuwang sa height.
Matod niya di angay ikauwaw nga mubo ka ug di kini babag sa atong mga damgo.
Sama sa bida sa pelikulang "Under the Rainbow," nagtuo siyang "No dream too big, no dreamer too small."
***
Karong Agusto 15, modoble ang balor sa lotto tickets gikan sa P10 ngadto sa P20.
Ginaingon nga mas dako ka pag purohan nga maigos kilat kay sa makaigos lotto jackpot.
Apan duna nay 120 nga namilyonaryo sa lotto sa Kabisay-an ug Mindanao, matod pa ni William Medici sa Philippine Charity Sweepstakes Office.
