Wednesday, October 24, 2007 Barrita: Pagatpat ug bakhaw By Eddie O. Barrita Tikdul-tikdol
DAGHAN ang wa makaamgo nga ang mga mangroves, kanang mga pagatpat ug mga bakhaw, mao diay ang itloganan sa isda, kasag, lambay ug alimango.
Mao kana nga gibaliwa lang nato ang mga bakhaw ug mga pagatpat.
Mao kana nga kon wa na ang mga mga mangroves, wa nay isda, karning baboy na lang ang atong kaunun.
***
Niadtong miaging Sabado, didto mi sa lungsod sa Ronda sa habagatang bahin sa Sugbo aron mananom og mga propagules sa mangroves didto sa Kasdaya Resort ni Rotarian Jorge Alcordo.
Akong kauban ang pangulo sa Rotary Club of Metro Cebu nga si Elton Cerna ug ubang mga opisyales sama nila ni Dr. Wyben Briones, Jun Llanos ug Lewis Campbell.
Kini diay nga mga mangroves makatabang sa pagpabilinng normal sa atong ecosystem, ilabi na sa kabaybayonan.
Apan matod pang Rotarian Jorge Alcordo, di ikabaligya ang mga mangroves pero ikabaligya ang iyang mga bangus ug alimango.
***
Gibaliwa lang sa uban ang kamahinungdanon sa mga mangroves.
Tiaw mo nga kon wa nay kaitlogan ang mga isda, moabot ang panahon nga mangapuo ni silang tanan.
Di na unya ta mahibung nga ang atong mga mangingisda magbawon nag sardinas kon mangisda kay wa nay segurong makakuha silag isda.
***
Angay nga lantawon sa mga opisyales sa Department of Agriculture ang kahimtang sa atong mga mag-uuma.
Tiaw mo ba kon ibaligya ang ilang mga manok bisaya aron makapalit og linata nga sardinas.
Maayo lang kon mahal nga adlaw kay libre ang sardinas.
***
Naghinandas na ang kampanya alang sa piniliay sa barangay ug Sangguaniang Kabataan (SK).
Sa barangay Zapatera, hilabi-han ka higpit sa kampaya.
Maluoy lang intawon ko sa akong pag-umangkon, si Amay Canen, nga nilansad pagkakonsehal sa SK, pero di kamaong mokam-panya. --Sun.Star Superbalita [Cebu]
