Thursday, October 09, 2008 Sharon, Kiko may tampuhan
GAYA nga ng nasabi ni Megastar Sharon Cuneta sa isa sa kanyang mga interviews noon, hindi exempted ang relasyon nila ni Senator Francis “Kiko” Pangilinan sa mga normal na tampuhan ng isang mag-asawa.
Kung gayun, tampuhan nga ang inihain na balita ng TV host na si Ogie Diaz Miyerkules ng umaga, tungkol sa mag-asawa.
Ayon kay Ogie, napapabalita na nagkaroon ng tampuhan ang Megastar at ang senador na umabot pa sa pagpapalamig muna ni Sharon sa Hong Kong kasama ang kanyang dalawang anak kay Kiko.
Nagkaproblema diumano ang mag-asawa sa pera dahil daw sa lumalaking gastos ng pamilya Pangilinan, ay hindi man lang daw tumutulong sa gastos ang nasabing senador.
Ang tampuhan daw na ito ang dahilan kung bakit hindi sumipot si Sharon sa Senate’s Spouses Affair sa Manila Hotel noong Martes ng gabi (October 7). Nagkaroon din daw ng agarang pagbabago sa sequence guide dahil nga hindi dumalo ang Megastar.
Nananatiling tahimik pa rin si Sharon sa isyu. Inaasahan na sa kanyang pagbabalik ay mabibigyang-linaw niya ang mga kumakalat na balita.
Hindi ito ang unang napabalitang nagkatampuhan ang Megastar at ang senador.
Naisulat din na naghiwalay na diumano ang dalawa dahil sa mga tsismis na may ibang anak at pamilya si Senator Kiko.
Ngunit ang lahat ng intrigang ito ay tinawanan lang ng mag-asawa. (JRDB/Sunnex)
