|
|
Wednesday, July 25, 2007
Davao: MILF nagbahad mosukol (1:50 p.m.)
DAVAO CITY -- Nagbahad si Moro Islamic Liberation Front Chief Negociator Mohagher Iqbal nga kong atakihon sa militar ang ilang mga kampo diri sa Mindanao andam sila nga mosukol ug magpabuto sa ilang armas, magpakamatay ug mopatay sa katapusang tulo sa ilang dugo.
Matud ni MILF spokesman Eid Kabalu nga dili mga miyembro sa Moro Islamic Liberation Front ang nanglunggo og ulo apil na kinatawo sa mga napatay nga sakop sa Phil. Marines.
Sa pinasahing imbestigasyon sa MILF migawas nga ang anak sa Imam nga napatay human kini na-crossfire sa maong kaguliyang ang gitumbok nga namutol og ulo apil na kinatawo sa napulo ka sakop sa Phil. Marines didto sa Tipo Tipo Basilan. Gidugang niini, nga ubay-ubay na nga puwersa sa militar ang gipakatag haduol sa mga kampo sa MILF diri sa Mindanao.
Apan sumala niya nga bisan unsay mahitabo dili-isurender sa MILF ang ilang mga kaubanan nga gitumbok nga responsable sa ambus. (Super Balita Davao) |
|
|
|
