Sunday, August 12, 2007
Davao: 1 patay, 2 nasamdan sa atake sa mga armado (3:55 p.m.)
USA ang patay samtang laing 2 nasamdan sa pag-atake sa mga armado sa Datu Pandag, Maguindanao.
Ang kapulisan nag-ila sa biktima nga nakabsan sa kinabuhi nga mao si Tahir Mansag, 38 anyos, mag-uuma, samtang naangol usab ang asawa niini nga si Racma 37 ug anak nga si Alibai, 18 pulos nagpuyo sa maong dapit.
Sigun sa taho gikan sa Maguindanao Police Provincial Office nasayran nga banda alas 9:00 sa kagabhion niadtong Sabado kalit nahiabot ang wala matino nga mga armadong kalalakin-an nga kalit lang miparak sa ilang armas duol sa pinuy-anan sa mga biktima.
Human sa panghitabo dali nga mieskapo ang mga suspek paingon ngadto sa wala matino nga direksiyon.
Mga biktima gisapupo gilayon sa ilang mga silingan ug gidala sa Tacurong City Medical Hospital, apan gumikan sa grabeng samad nga naangkon ,usa kanila hikabsan sa iyang kinabuhi.
Matod sa kapulisan posibling away sa pamilya ang motibo sa insidente. (EFuerzas of Superbalita Davao) |
