|
|
Sunday, August 19, 2007
Davao: Bus nahug, 1 tigbak (3:22 p.m.)
USA ka pampasaheroang bus nahug sa lawom nga pangpang sa siyudad sa Mati, sa Davao Oriental Sabado sa gabii nga miresulta sa kamatayon sa usa ka tawo ug pagka-angol sa laing 20.
Ang Bachelor Bus nga gimanehoan ni Ludi Melgar, nagdagan pipila ka minutos na lamang unta una mahiabot sa Mati, apan kalit na lamang nahulog sa pangpang sa Sitio Pulang Pantad, Barangay Badas.
Usa ka Carlos Jumawan, 50, molupyo sa Sitio Kapayas, Barangay Matiao sa dakbayan, gideklarang patay didto sa provincial hospital samtang laing 20 ka mga samdang pasahero nagpaalim na sa ilang mga samad.
Ang mga pasahero sa nahisgutang bus nagbutyag nga tulin ang dagan sa sakyanan sa liko-likong dalan sa Badas dihang kalit na lamang kini nalagpot paingon sa pangpang ug ang mismong simod sa bus ang na-una.
Usa ka heavy equipment ang nakahimo sa paghaw-as sa bus gikan sa pangpang. (BOT/Sunstar Davao) |
|
|
|
