Sunday, August 19, 2007
General Santos: 11 Sakpan sa hazing (3:20 p.m.)
NADAKPAN sa kapulisan sa Polomolok ang 11 ka mga tinun-an samtang naghimo og hazing ang ilang grupo nga fraternity.
Mga nasakpan mao sila si Flore, Peņafel, Len, Lito, Charles, Joji, Remy, Ronel, Jhondy, Jonathan ug usa ka Mark, mga apelyido gitago kay pulos mga menor de edad.
Matud ni Abes, usa ka CSU sa Barangay Glamang, adunay mitaho kaniya nga adunay dul-an 15 ka mga tinun-an sa usa ka tunghaan sa Glamang nga namunal gamit ang palwa sa lubi.
Gihimo ang hazing sa likod nga bahin sa Trully Foods Naturally (TFC) sa National Highway sa nasangpit nga Barangay.
Pipila sa mga batan-on aduna nay mga bun-og sa batiis tungod sa pagpamunal. (Mel Coronel-RMN Gensan/Sunnex) |
