Wednesday, September 12, 2007
Siyudad sa Sugbo gibahaan (6:54 p.m.)
CEBU CITY -- Giatake og kusog nga uwan hinungdan sa pagbaha sa mga dalan, pagkatanggong sa mga sakyanan og pagkaanod sa ubang kabalayan sa siyudad sa Sugbo, Miyerkules sa hapon.
Naapektuhan ang mga barangay og kabalayan nga duol sa sapa sa Guadalupe lakip na ang Barangay Camputhaw, Dalan Escario ning siyudad. Giingon sad nga nahugno ang taytayan sa Guadalupe.
Sa Dalan As fortuna, lapas sa hawak, ang tubig hinungdan sa pagkatanggong sa mga sakyanan sa dalan. Hinuon, matud sa mga updates, daghan pa ug kaagi-an ang mga sakyanan.
Sa latest update sa ABS-CBN TV patrol Central Visayas, duha ka tawo ang missing sa giingong baha.
Si Councilor Jerry Carillo nag-ingon usab nga possibleng adunay mga eskwelahan nga walay klase sa Huwebes hinungdan sa baha og possibleng adunay mahitabong landslide gabii sa Miyerkules.
Giingon sad nga mitaas ang tubig sa suba sa Mahiga, sa may panagdait.(Sunnex)
|
