Wednesday, November 07, 2007
Davao: 2 balut vendor gipusil, 1 patay (3:35 p.m.)
DAVAO--Duha ka mga balut vendor ang giratsada og pamusil sa gisuspetsahang mga vigilantes didto sa Barangay 76-A, Bucana, dakbayan sa Davao diin usa kanila ang nakabsan sa kinabuhi.
Ang namatay giila nga mao si Antonio Leotero Jr. alyas Dondon, 20 , samtang kritikal pa ang kahimtang sa iyang higala nga si Rodel Cuaman alyas Bulantoy, 19, pulos molupyo sa Dapsa, St. John, Bucana.
Sumala ni Police Officer Kelvin Joy Magno sa homicide section sa San Pedro police station, nag-inom lang kining mga biktima kuyog ang pipila ka mga higala didto sa ilang lugar mga alas 10:00 sa gabii, Martes.
Apan tulo ka mga lalaking nagsakay og motorsiklo ang mitungha, duha ang mikanaog ug gitagsahan pagpusil ang mga biktima tumong sa ilang ulo dayong sibat pagkahuman. (RCO of Superbalita Davao) |
