Tuesday, February 12, 2008
Balay sa huwes girakrakan (2:13 p.m.)
CAGAYAN DE ORO -- Gipa-ulanan og mga bala sa armadong lalaki ang balay sa usa ka huwes ning dakbayan sa Cagayan de Oro mga alas 12:30 sa kaadlawon niadtong adlawng Lunes.
Bungkag usab ang samin sa duha ka mga sakyanan ni Regional Trial Court (RTC-10) Branch 39 Judge Downey Valdevilla nga nahimutang sa Muco street, Barangay Carmen ning siyudad.
Si Inspector Nerio Geroy, hepe sa Police Station (PS-4) Carmen niingon nga duha ka mga lalaki nga nagsakay og motorsiklo ug naka-bonnet ang responsabli sa pagpamanhig sa panimalay sa maong huwes sigun sa mga silingan nga nakasaksi sa hitabo.
Walay naigo o nasakitan sa pamilya sa maong huwes. (Sun.Star Superbalita) |
