Tuesday, February 19, 2008
1 patay pagkahulog sa bus (2 p.m.)
USA ang patay human nahug ang ilang gisakyang bus sa Marilog District, dakbayan sa Davao Martes sa kaadlawon.
Si SPO2 Noel Sarino sa Investigation Division sa Davao City Police Office, sa pakighinabi sa Superbalita, nag-ila sa nakabsan sa kinabuhi nga mao si Maxima Obarco, 79, molupyo sa Cagayan de Oro City.
Nahitabo ang insidente alas 3:45 sayo sa buntag, Martes.
Gikan sa dakbayan sa Cagayan de Oro ang Rural Transit bus nga nagdala sa plaka numero KVR 417 nga gimaneno sa usa ka Tomas Dupino, 52, molupyo sa Quezon, Bukidnon.
Pag-abot sa Davao-Bukidnon Road, partikular sa distrito sa Marilog, aksidenteng nawad-an og kontrol sa manibela ang drayber hinungdan nahulog ang bus sa lawom nga pangpang.
Wa na makalahutay sa iyang nahiagoman nga mga samad ug bun-og ang tiguwang nga si Obarco ug nakabsan dayon sa iyang kinabuhi.
"Dead on the spot si Obarco. (RCO) |
