|
|
Wednesday, February 20, 2008
Opisyal sa TESDA gipatay (12:25 p.m.)
DAVAO -- Usa ka taas nga opisyal sa Technical Education and Skills Development Authority (Tesda) sa Autonomous Region in Muslim Mindanao gipusil patay niadtong Martes sa buntag.
Ang kapulisan nag-ila sa biktima nga mao si Nur Hussien Alao, 47, minyo, project coordinator sa Tesda-Armm ug nagpuyo sa siyudad sa Cotabato.
Sigun sa taho gikan sa kapulisan nasayran nga banda alas 9:40 buntag nagtindog-tindog ang biktima atubangan sa usa ka lumberyard sa Poblacion, Sultan Kudarat, Shariff Kabunsuan Province.
Apan adunay usa ka wala mailhing suspek kalit lang miduol ug sa walay pagpangutana gipusil ang biktima sa makadaghang higayon gamit ang kalibre .45 nga pistola.
Ang suspek dali sab nga misibat sakay sa usa ka Honda XRM nga motorsiklo paingon sa wala matino nga direksyon. (Sun.Star SuperBalita Davao/Edgardo Fuerzas) |
|
|
|
