Monday, February 25, 2008
2 patay pagpamusil sa mga armado (4:28 p.m.)
DUHA ang patay human usa ka pampasaherong bus giharang sa mga armadong kalalakin-an ug gipamusil ang mga nagsakay didto sa Datu Sawde Ampatuan, Maguindanao Province niadtong Dominggo.
Ang kapulisan nag-ila sa mga nakabsan sa kinabuhi nga sila si Manny Abdullah, 43, drayber, nagpuyo sa siyudad sa Cotabato ug konduktor nga si Joel Amindang, 38, taga-Bagumbayan, Sultan Kudarat Province.
Sigun sa taho gikan sa Maguindanao Police Provincial Office, nasayran nga banda alas 5:40 sa hapon nagdagan ang Husky Bus nga may body number 3188 gikan sa dakbayan sa General Santos paingon sa siyudad sa Cotabato.
Apan pag-abot sa Barangay Crossing Salvo, Datu Sawde Ampatuan, giharang ang sakyanan sa upat ka mga armadong kalalakin-an ug gipamusil ang mga biktima gamit ang kalibre .45 nga pistola.
Patay diha-diha dayon ang drayber ug ang konduktor human natadtad sa mga bala ang lawas. (Sun.Star SuperBalita Davao) |
