|
|
Friday, March 28, 2008
Davao: Sub-station sa pulis gipaarakan sa NPA (4:36 pm.)
GIPAULANAN og mga bala sa mga gikatahapang miyembro sa New People's Army ang usa ka police sub-station sa Brgy. Madaum, siyudad sa Tagum niadtong Huwebes sa gabii.
Nakurat ang mga pulis sa Madaum Police Sub-station human sila girapido sa mga rebelde alas 9 niadtong gabhiona.
Mibalos sa pagpabuto ang mga otoridad ngadto sa mga rebelde. Human sa kapin 5 minutos nga pagbinayluay og bala dali usab nga misibat ang mga suspetsado paingon sa wala masayring lugar.
Walay namatay o nasamdan sa puwersa sa gobyerno sa maong engkwentro. (Sun.Star SuperBalita Davao) |
|
|
|
