|
|
Friday, March 28, 2008
General Santos: Motorista igo sa saag nga bala (4:28 p.m.)
USA ka motorista nga biktima sa saag nga bala nagpabiling giobserbahan sa balay tambalanan siyudad sa Heneral Santos.
Si Antonio Bernal, hamtong ang edad ug molupyo sa Malungon, Sarangani Province nagmaneho sa iyang motorsiklo sa dihang kalit lang nakasinati og init sa iyang kilid.
Ang biktima miasoy nga wala siyay nadungog nga buto sa armas samtang nagdagan ang iyang motorsiklo.
Siya miingon nga wala usab siyay nakaaway sa maong dapit.
Ang pamilya Bernal nangita karon ug hustisya sa gidangatan sa biktima.
Matud nila nabalda ang iyang panginabuhian kay anaa kini sa hospital. (Sun.Star SuperBalita General Santos) |
|
|
|
