|
|
Sunday, March 30, 2008
General Santos: Pupil gisilotan sa titser, patay (12:05 p.m.)
By Merlyn F. Velarde
MOPASAKA ug kaso ang pamilya Pasaul batok sa maestra sa ilang anak nga namatay human giingong gisilotan sud sa ilang classroom.
Si Jovan Samson Pasaul, 14 anyos, second year high school student sa usa ka tulunghaan sa kagamhanan ang matud pa misud sa iyang klase niadtong Marso 6 human ang kinse diyas nga 'confinement' sa hospital tungod sa sakit nga tipos.
Apan tungod kay way dalang assignment ang estudyante, giingong gisilotan kini sa iyang titser nga si Darna (tinuod pangalan gitago kay wala pa nasang-at ang kaso) pinaagi sa pagpatindog atubangan sa klase ug gipaambak-ambak hangtud nga kini nangluspad.
Gidali pagtabang ang biktima dayon gipapauli sa ilang bay.
Didto na gihilantan og maayo si Jovan hangtud nga migawas ang dugo sa iyang ilong, ug wa nadugay namatay.
Tulo ka mga classmate sa biktima ang nagmatuod sa gihimo ni Leonarda ngadto kang Jovan nga maoy nagsilbi karon nga saksi sa pamilya Pasaul. (Sun.Star SuperBalita General Santos) |
|
|
|
