|
|
Sunday, March 30, 2008
Maguindanao: Cafgu gipusil, patay (11:28 a.m.)
USA ka miyembro sa Citizen Armed Force Geographical Unit (Cafgu) ang gipusil patay didto sa Talitay, Maguindanao Province.
Ang biktima giila nga si Ibrahim Taron, 43 anyos, minyo ug molupyo sa naasoy nga dapit.
Ang Maguindanao Police Provincial Office miingon nga nahitabo ang insidente alas 4:40 sa hapon niadtong Sabado.
Matud nila, nga samtang naglakaw ang biktima gikan sa outpost niini pauli na unta sa ilang panimalay, kalit kini nga gisugat sa wala mailhing mga armadong kalalakin-an.
Way daghang sulti, ang biktima gipusil na lamang gamit ang .45 nga pistola.
Dead on the spot si Taron human kini nakahiagum og samad sa iyang ulo ug dughan.
Mga suspek, yano ra usab nga mibiya sa dapit human sa insidente.
Ang mga nakasaksi sa insidente nagingon nga mga mamumuno sakop sa Moro Islamic Liberation Front Lost Command.
Sigun sa kapulisan posibling agaw-armas ang motibo tungod gikuha sa mga suspetsado ang gi-isyu nga M14 rifle sa biktima. (Sun.Star SuperBalita Davao) |
|
|
|
