Monday, April 07, 2008
Davao: Way lahugay sa PNP (12:04 p.m.)
GIPASALIG sa bag-ong direktor probinsiyal sa lalawigan sa Davao del Sur nga way paglahugay nga mahitabo sa mga hepe sa iyang kapulisan.
Si Police Senior Superintendent Cesario Darantinao Jr., mibutyag nga iyang panid-an ang serbisyo sa mga hepe sa kapulisan sa mga kalungsuran aron mahimong hapsay ang dagan sa ilang panerbisyo.
Buot niyang ipakita sa mga hepe nga andam silang modumala sa responsibilidad aron mahimong epektibo sa ilang trabaho.
Gusto usab ni Darantinao nga likayan sa mga hepe ang malambigit sa mga dautang binuhatan.
"They have to prove their work, they to work under me and prove something that they can deliver accomplishments in this command." Paghagit ni Darantinao sa iyang mga hepe.
"There will be no re-shuffling in the meantime unless it will be necessary to do so," matud sa opisyal. (Sun.Star SuperBalita Davao) |
