Friday, April 11, 2008
2 ka pamilya naggiyera; 5 patay, 4 samdan (1.30 p.m.)
DAVAO -- Lima ka tawo ang napatay samtang upat sab ang grabeng nasamdan sa nahitabong engkwentro sa magkaaway nga pamilya sa Datu Blah, Shariff Kabunsuan Province.
Ang Shariff Kabunsuan Police Provincial Office, alas 2:40 sa kaadlawon kagahapon, miingon nga niadtong Huwebes, Abril 10 giatake sa grupo ni Kumander Tabunaway sa Moro Islamic Liberation Front (MILF) ang posisyon sa mga ginsakpan ni Kumander Minalang sa Moro National Liberation Front (MNLF) sa Barangay Laquitan, Datu Blah.
Kini misangko sa tulo ka oras nga sinukliay og mga bala tungod sa dumot bahin sa yuta.
Mikalma ang tensyon sa pag-abot sa puwersa sa militar ug kapulisan.
270 ka pamilya ang mibakwit gikan sa mga apektadong barangay sa kahadlok nga maipit sa engkwentro. (Suns.Star SuperBalita Davao) |
