|
|
Friday, April 11, 2008
General Santos: Karnaper nag-unay (12 p.m.)
SERYOSONG giimbistigahan sa kapulisan sa Heneral Santos ang taho nga nalambigit sa kasong karnaping ang ulahing gipusil patay nga drayber sa habal habal niadtong Miyerkules sa gabii.
Ang Pendatun Police Station nga maoy naghupot sa kasong pagpatay kang Romy Aristotiles nakadawat sa taho nga ang biktima usa ka miyembro sa pundok sa mga karnaper dinhi sa siyudad.
Kahinumduman nga samtang nagsakay sa iyang motorsiklo ang biktima nga naghuwat og pasahero sa dihang gidoul sa nag-inusarang suspek ug gipusil sa agtang.
Taliwala sa daghang tawo nga tua sa lugar, yano lamang kaayong gipusil sa suspek ang biktima nga wala man lang gani nagtabon sa iyang dagway.
Sa miaging semana santa, ang kapulisan mibutyag nga nanag-unay na ang mga miyembro sa carnapping group sanglit ang mga biktima sa sunud-sunod nga pagpamusil gikumpirmang pulos nalambigit sa nasangpit nga krimen. (Sun.Star SuperBalita General Santos) |
|
|
|
