Wednesday, April 16, 2008
Davao: Mister gitigbas ni misis (2:21 p.m.)
DAVAO CITY -- Nagisi ang agtang sa usa ka lalaki human siya giunay pagtigbas sa iyang kaugalingong asawa didto sa Purok Mabuhay, Barangay Kauswagan, Banaybanay, probinsiya sa Davao Oriental, Martes sa gabii.
Gidala sa Davao Regional Hospital sa dakbayan sa Tagum nga nagkadugo ang ulo sa biktima nga si Alfredo Sefuentes, 35, nagpuyo sa nahisgutang lugar.
Sigun sa nakuha nga report sa SuperBalita giingong nag-away tungod sa kuwarta ang biktima ug iyang asawa.
Nagtuo ang biktima nga "away-magtiayon" lang kadto.
Apan nakurat na lang si Alfredo dihang kalit siyang gitigbas sa iyang misis.
Human sa maong hitabo dali dayong misibat ang suspek paingon sa wala matinong lugar. (Danjo Revilla/SuperBalita Davao)
|
