Saturday, April 19, 2008
Davao: 2 pulis patay sa bangga (11:49 a.m.)
DAVAO CITY -- Patay ang duha ka imbestigador sa Criminal Investigation and Detection Group (CIDG) sa North Cotabato ug usa ka drayber sa L300 van human nagsungag ang gisakyan niini niadtong Biyernes sa kahapunon.
Ang kapulisan nag-ila sa mga hingkabsan sa kinabuhi nga sila P02 Niel Gaspar Lasia, chief investigator sa CIDG Cotabato, PO1 Nestor Labaosas.
Patay usab ang drayber sa L300 van nga si Radjack Suliek ug 12 sa mga pasahero niini naangol.
Sigun sa taho gikan sa Cotabato Police Provincial Office nasayran nga banda alas 2:40 sa hapon, Abril 18, samtang sakay ang duha ka pulis sa XRM 125 nga motorsiklo nga gimaneho ni Labaosas, sa diha nga nasugatan niini ang naghaguros nga L300 van nga mi-overtake sa usa ka Izuzu Forward sa barangay Takipan, Pikit, North Cotabato, gumikan sa kakusog sa dagan sa maong pampasaherong sakyanan gibanggaan niini ang duha ka pulis, resulta nga on the spot kining napatay. (SuperBalita Davao/Edgardo Fuerzas) |
