Thursday, April 24, 2008
Davao: Forest ranger nakitang patay (2:53 p.m.)
DAVAO CITY -- Mihimo na og makuting imbestigasyon ang kapulisan sa lungsod sa Hagonoy, Davao del Sur human nga nakit-ang patay sa national highway ang usa ka forest ranger niadtong Martes sa gabii.
Wa nay kinabuhi si Dante Dalagunan ug nabuak ang ulo niini human gituhoang naparok sa semento sa kalsada dihang nahagbong sa motorsiklo nga iyang gisakyan.
Sumala sa imbestigasyon sa kapulisan nga human migawas sa iyang trabaho nakainom nang daan ang biktima ug natumba ang iyang motor dihang nagbiyahe pauli na sa lugar.
Gikabutyag sab nga posibleng giatake sab sa kasingkasing ang biktima. (SuperBalita Davao/Dondon Dinoy) |
