Thursday, April 24, 2008
General Santos: Inahan ug anak gipriso tungod sa marijuana (2:55 p.m.)
GENERAL SANTOS CITY -- Nagtingkagol sulod sa selda sa Philippine Drug Enforcement Agency (PDEA-12) sa Camp Fermin Lira ang mag-inahan human nakuhaan og daghang marijuana sulod sa ilang bay sa Tampakan, South Cotabato.
Ang PDEA-12 nag-ila sa duha nga sila si Ricardo Malaga alyas Manny, 30, ulitawo ug iyang inahan nga si Tarcila, 45, pulos molupyo sa sitio Upper Talisay, barangay Palo 19, lungsod sa Tampakan.
Ang duha nasikop human gironda ang ilang bay sa kapulisan sa Tampakan Police Station alas 7 sa buntag, Miyerkules ug nakuha sa sulod sa ilang bay ang 85 ka mga dagkong punoan sa marijuana nga gitagoan ilalom sa katre.
Gibana-banang moabot ngadto sa 15 mil pesos ang kantidad sa marijuana nga nasakmit sa mga otoridad hinungdan nga ang duha gipaslak sa selda.
Gipanghimakak usab sa duha nga ila ang mga marijuana nga nakuha sa ilang bay. (SuperBalita General Santos/Mel Coronel) |
