Tuesday, April 29, 2008
General Santos: Wa nakita ang uyab, milala og chlorine (2:24 p.m.)
GENERAL SANTOS CITY -- Usa ka dalaga ang miinom sa usa ka baso nga tinimplang chlorine human napakyas nga makita ang iyang uyab dihang miduaw kini sa boarding house sa lalaki.
Si Joy Damoso, 23, lumad nga taga Caburan, Jose Abad Santos, Davao del Sur mibisita sa iyang uyab sa boarding house niini sa Mateo Village, Bula General Santos City pasado alas otso sa gabii niadtong Lunes.
Human ang pipila ka gutlo sa dihang wa gyud nagpatim-aw ang uyab, mikuha og chlorine ang dalaga ug gitimpla kini sa usa ka baso nga daw juice ug gilayong giinom.
Si Erwin Carillo nga nakakita sa gihimo sa dalaga gilayong mitawag sa kapulisan aron respondihan ang babaye nga nalusno na niadtong higayona. (SuperBalita General Santos/MFV) |
