Saturday, May 03, 2008
Davao: Nagbomba sa Weena bus di mga terorista (12:52 p.m.)
DAVAO CITY -- Giklaro ni Police 12 Regional Director Felizardo Serapio nga ang pagpamomba sa Weena Bus Line dili hinimoan sa mga teroristang grupo apan sa pundok sa mga tigpangilkil o ka-kompetensiya sa Weena.
Gihimo niyang ehemlo ang pagpamomba sa Midsayap, North Cotabato ug pagpaulan og mga bala sa AVM Bus sa barangay Dalumangcob, Sultan Kudarat, Shariff Kabunsuan Province.
Matod ni General Serapio nga aduna nay mga suspek nga giukoy ang ilang mga imbestigador apan dili pa nila ika-butyag hangtud nga kini masuta nga positibo nga nalambigit sa krimen.
Gipasabot sa katawhan si Digoy Valdevieso, tag-iya sa Weena, nga dili mahadlok ug dili mawad-an og paglaum gumikan kay sila nagtuo nga sa serbisyo sa maong bus company mas molambo pa ang Central Mindanao. (SuperBalita Davao/Edgar Fuerzas) |
