Sunday, May 04, 2008
Davao: Dalagita gidunggab og gunting (3:30 p.m.)
DAVAO CITY -- Mitugpa gyod sa bay tambalanan ang usa ka babaye human siya gidunggab sa laing babaye didto sa Tagum Public Market alas 10 sa buntag niadtong Sabado.
Dali nga nagpakitabang ngadto sa Tagum Police Office ang usa ka Pablo Razonable, hingkod ang panuigon, minyo ug nagpuyo sa Barangay Visayan Village, ning dakbayan.
Suma pa ni Pablo nga kalit lang gidunggab ang iyang anak nga si alyas Mae sa suspek nga giilang si Analie Polenio gamit ang gunting.
Nakaangkon gyod intawon og samad dinunggaban sa likod ang biktima. Dali dayon nga gidala sa Davao Regional Hospital ang biktima ug didto gitambalan. Wala hinuon gibutyag sa report kung unsa ang hinungdan sa pagpangdunggab ngadto sa biktima. (SuperBalita Davao/Danjo Revilla) |
