Sunday, May 04, 2008
General Santos: Namomba dakpan (3:35 p.m.)
GENERAL SANTOS CITY -- Malapusong nasikop sa kapulisan sa Makar Police Station ug mga sakop sa Intelligence and Detection Management Section (IDMS) sa General Santos City Police Office (GSCPO) ang suspek sa pagpamomba sa gawas sa Philbest Canning Corporation niadtong Enero 30 ning tuiga.
Nasikop giilang si Choy Taki, alyas Tong, 52, minyo, usa ka traysekil drayber, molupyo sa 39.2 FVR Village Upper Fatima ning dakbayan sa General Santos.
Matud ni Police Senior Inspector Amante Soriaga, labaw sa IDMS nagbutyag nga ala 1:30, Biyernes sa hapon nasikop ang suspek samtang didto kini sa ilang bay human gipagula ni Judge Antonio Lubao sa Regional Trial Court (RTC) branch 25, ang warrant of arrest sa kasong multiple frustrated murder nga nagbaton sa criminal case number 20270.
“Nahuli namin tong si Taki basi na rin sa warrant na aming nakuha, hindi ko masabi sa inyo ang detalye sa kaso kasi nasa korte na yon, ang sa amin lang lumabas ang kanyang warrant na sangkot sa pamomomba sa labas ng Philbest nong Enero 30, korte na po ang nagbalance sa kaso nitong si Taki, kasi hindi na man siguro magpalabas ang warrant ang judge kung walang mga testigo at mabigat na ibidensiya," matud ni Soriaga. (SuperBalita General Santos/Mel Coronel) |
