Wednesday, May 07, 2008
Davao: Nabanggaan og bus, namatay (1:15 p.m.)
DAVAO CITY -- Patay ang usa ka lalaki human gidaro sa naghaguros nga bus didto sa Marilog District, dakbayan sa Davao niadtong Martes sa gabii.
Ang biktima, kinsa hingkabsan gilayon sa iyang kinabuhi human sa insidente, nailhan nga mao si Juanito dela Cruz, 43 anyos, molupyo sa Marilog Proper, ning siyudad.
Sumala sa taho sa kapulisan, mitabok sa national highway ang biktima mga alas 9:00 sa gabii ug wa mabantayi ang nagsingabot nga Rural Transit bus nga gimaneho sa usa ka Eddie Nabas.
Nasayran nga ang bus gikan sa Cagayan de Oro City ug padung unta sa siyudad sa Davao.
Pipila ka mga tawo sa lugar nagkanayon nga daan nang nakainom og ilimnong makahubog ang biktima. (SuperBalita Davao/RCO) |
