Thursday, May 08, 2008
Davao: Kanhi myembro sa NPA gitipi (2:15 p.m.)
DAVAO CITY -- Usa ka kanhing miyembro sa New People's Army (NPA) gipusil patay sa Banisilan, North Cotabato.
Ang kapulisan nag-ila sa biktima nga mao si Arturo Camiano, 44 anyos, minyo ug molupyo sa maong dapit.
Sigun sa taho gikan sa Cotabato Police Provincial Office nasayran nga banda alas 7:00 sa kagabhion niadtong Miyerkules samtang naglingkod-lingkod ang mag-uuma sa balkonahe sa iyang bay sa diha nga kalit nahiabot ang wala matino nga mga armadong kalalakin-an ug gipusil ang biktima gamit ang kalibre .45 nga pistola.
Patay gilayon ang biktima sa diha nga naigo sa iyang ulo ug dughan samtang ang mga mamumuno dali nga mieskapo paingon sa wala matino nga direksyon. (SuperBalita Davao/Edgardo Fuerzas) |
