Sunday, May 11, 2008
General Santos: Gipusil sa ulo, nikirig (2:00 p.m.)
GENERAL SANTOS CITY -- Gipusil patay sa wala mailhing mga suspek nga lulan sa motorsiklo ang usa ka kanhing sakop sa Moro National Liberation Front (MMLF), Sabado sa udto.
Ang kapulisan sa Tambler Police Station nag-ila sa gipatay nga si Manny Cadel, 35, minyo, molupyo sa purok Mocles, 39.2 FVR Village, barangay Fatima ning siyudad sa General Santos.
Si PO3 Joey Medalle, imbestigador sa kaso, nagbutyag nga alas 12 sa udto sa dihang nigawas sa Diamond Valley ang biktima ug pag-abot sa kanto sa National Highway kilid sa Kababayan Center kalit lang gipikhan ang biktima sa usa ka suspek gamit ang .45 kalibre sa pusil.
Biktima nga naigo sa iyang ulo gi-usban pa sa pagpusil sa iyang dughan sa makadaghang higayon. Wala na makabangon pa ang biktima tungod sa kadaghan sa mga bala nga mitaop sa iyang kalawasan.
Ang biktima gisapupo sa mga otoridad ug gidala sa Mindano Medical Center apan gideklarang dead on arrival sa mga mananambal. (SuperBalita General Santos/Mel Coronel) |
