|
|
Monday, May 12, 2008
Cagayan de Oro: 'Libreng Sakay' atol sa strike (3:23 p.m.)
CAGAYAN DE ORO CITY -- Duha ka mga bus sa Rural Transit Mindanao Inc. (RTMI) ang ningkarga og mga pasahero nga walay masakyan ning dakbayan sa Cagayan de Oro atol sa transport stike nga gipahigayon Lunes.
Si Allan Guro sa Land Transportation and Regulatory Board (LTFRB-10) niingong nga kining "libreng sakay" nationwide nga serbisyo sa ilang buhatan uban sa Department of Transportation and Communication (DOTC-10).
Gibutyag ni Guro nga ang rota sa duha ka mga bus mao ang Divisoria-Tagoloan/Divisoria-Opol ug vice versa.
Dunay sakop sa Cagayan de Oro City Police (Cocpo) ingon man sakop sa LTFRB-10 sakay sa maong mga bus aron sa pag-abag sa mga pasahero. (SuperBalita Cagayan de Oro/JLB) |
|
|
|
