Monday, May 12, 2008
General Santos: Kalabera sa tawo, napalgan (12:52 p.m.)
GENERAL SANTOS CITY -- Nakaplagan ang usa ka kalabera sa tawo nga gisulod sa usa ka sako ug gitagoan sa abandonadong balay sa Interco compound, barangay Sinawal, Dominggo sa udto.
Matud pa sa Makar Police Station nga alas 11 sa udto dunay nanawag ngadto sa ilang buhatan aron ipahibalo nga dunay nakit-an nga kalabera sa tawo hinungdan nga ila dayong girespondihan uban ang mga personahe sa Scene of the Crime Operatives.
Ang kalabera makaduhang giputos sa sako ug gibutang pa sa usa ka kahon nga kahoy ug gipadaplin sa payag-payag.
Apan pakyas ang mga taga SOCO nga mailhan kung lalaki ba o babaye ang bukog tungod kay gituohan nga duha ka bulan na nga namatay kini. (SuperBalita General Santos/Mel Coronel) |
