|
|
Sunday, May 18, 2008
General Santos: Tindahan gitulis (12:50 p.m.)
GENERAL SANTOS CITY -- Malampusong nadagit sa mga tulisan ang dakong kantidad sa salapi human gitulis ang usa ka tindahan og feeds, Sabado sa buntag.
Ang gitulis mao ang Top Marketing nga nahimutang sa Jose Catolico avenue ning dakbayan sa General Santos.
Sa imbestigasyon sa Lagao Police Station nasuta nga alas 10:30 Sabado sa buntag dihang duha ka mga lalaki nagpakaaron-ingnon nga mga kustomer ug nipalit og vitamins sa manok.
Wala pa mahatag sa tindera ang gipalit nga vitamins sa manok mideklarana og tulis ang duha ka mga suspetsado nga nagtabon sa ilang mga nawong. Walay nahimo ang duha ka mga tindera kay gipangtionan og pusil ug gikuha sa mga armado ang kwartang mikantidad sa 25 mil pesos. (SuperBalita General Santos/Mel Coronel) |
|
|
|
