|
|
Sunday, June 15, 2008
Cagayan de Oro: Lalaki giihaw, patay (1:49 p.m.)
By Abigail C. Malalis
CAGAYAN DE ORO -- Pito ka mga samad dinunggaban ang naangkon sa usa ka lalaki dihang napalgan nga wala nay kinabuhi mga alas 12:45 sa gabii sa Phase II BLK 5, Area 4 Macanhan, Carmen ning dakbayan sa Cagayan de Oro.
Sa pagsulat ning balita wala pa maila ang biktima kinsa gibanabanang adunay 5'1" inches nga gitas-on, nagsuot og puti nga t-shirt ug short pants.
Ang biktima nakaangkon og samad dinunggaban sa likod nga bahin sa iyang ulo ug duha ka abaga samtang laing usa sa agtang ug usa sa tuong kamot niini gikan sa wala mailhing suspetsado.
Nasayran nga usa ka Fred Baguio, 55, nagpuyo sa maong dapit ang nitawag sa kapolisan sa Police Station 4 (PS4) sa Carmen aron sa pagtaho sa maong insidente sa dihang nakita nila sa iyang mga silingan ang nagbuy-od nga patay'ng lawas sa biktima. (Super Balita Cagayan de Oro) |
|
|
|
