Monday, July 21, 2008
Pacman klaro'ng modagan sa 2010 eleksyon (1:23 p.m.)
GENERAL SANTOS -- Si Sarangani Governor Miguel "Migs" Dominguez nagbutyag nga iyang gikalipay ang pagdeklara ni Peoples Champ Manny "Pacman" Pacquiao nga modagan sa pagka-congressman sa piliay unya sa 2010.
Matud ni Dominguez nga bisag kinsa mahimong modagan sa Sarangani Province apan nidugang nga layo pa ang eleksyon ug daghan pa ang posebling mahitabo.
Siya nagklaro nga wala siya'y plano nga biyaan ang probinsiya ug modagan sa kongreso. Kining butanga wala pa mahisguti sa ilang partido nga mao ang Sarro-Lakas.
"Sa nabalitaan natin na nagdeklara na nga si Manny na tatakbo sa 2010 bilang congressman, lahat naman ng tao ay pwedeng tatakbo, again ang sinasabi ko sa lahat na walang sino man ang pwedeng mag-monopolya sa Sarangani, pero sinasabi ko na malayo pa ang elections at marami pang pwedeng mangyari, pero hindi ko iiwanan ang Sarangani, magulo doon sa Kongreso," matud ni Dominguez.
Kahinumduman nga sa miaging semana, mga sakop sa media gidala ni Pacman sa iyang farm lot sa Barangay Nagpan, lungsod sa Malungon aron ideklara ang iyang plano nga molansad sa pagka-kongrisista sa Sarangani.
Sa pagkakaron duha ka mga board member nga kanhing kalinya ni Duminguez ang hinay-hinay nang mibiya sa ilang partido ug miipon sa grupo ni Pacman. (Sun.Star SuperBalita General Santos/Sunnex) |
